Xalqaro futbol assosiasiyalari federasiyasi (FIFA) bugun dunyo terma jamoalarining iyun oyidagi reyting jadvalini e’lon qildi. Bir necha oydan beri terma jamoalar rasmiy va o‘rtoqlik o‘yinlarini o‘tkaza olmayotgani uchun bu safar reytingda hech qanday o‘zgarish ro‘y bermadi.

O‘zbekiston terma jamoasi o‘tgan oyda egallab turgan 85-pog‘onani saqlab qoldi. Jamoamiz Osiyo qit’asida 12-o‘rinni egallab turibdi. Qit’amizda Yaponiya (28-o‘rin), Eron (33), Janubiy Koreya (40), Avstraliya (42), Qatar (55) va Saudiya Arabistoni (67) Iroq (70), BAA (71), Xitoy (76), Suriya (79) va Ummon (82) terma jamoalari bizdan yuqori pog‘onalarni band etishgan.

Umumiy reytingni ham Belgiya terma jamoasi boshqarib turibdi. Fransiya va Braziliya kuchli uchlikka, Angliya va Urugvay esa kuchli beshlikka kirishgan. Xorvatiya, Portugaliya, Ispaniya, Argentina va Kolumbiya termalari top-10ga kirishgan.

FIFA reytingi (top-10):

1. Belgiya (1765 ochko)
2. Fransiya (1733)
3. Braziliya (1712)
4. Angliya (1661)
5. Urugvay (1645)
6. Xorvatiya (1642)
7. Portugaliya (1639)
8. Ispaniya (1636)
9. Argentina (1623)
10. Kolumbiya (1622)

Osiyo mamlakatlari reytingi:

28. Yaponiya (1500)
33. Eron (1489)
40. Janubiy Koreya (1464)
42. Avstraliya (1457)
55. Qatar (1396)
67. Saudiya Arabistoni (1351)
70. Iroq (1344)
71. Birlashgan Arab Amirliklar (1334)
76. Xitoy (1323)
79. Suriya (1314)
82. Ummon (1303)
85. O‘zbekiston (1286)