Germaniyaning «RB Leypsig» klubi futbolchisi Dayo Upamekano o‘z jamoasi bilan shartnomani uzaytirish borasida kelishib oldi, deya xabar tarqatmoqda Sport Buzzer.
Manbaning yozishicha, fransiyalik futbolchi kamida yana bir yil «buqalar» tarkibida o‘ynaydi.
Xabarda yozilishicha, «Leypsig» klubi yangi shartnomada futbolchining tovon pulini qimmatroq belgilashi kutilmoqda. Avvalroq futbolchiga APLning bir nechta klublari, «Barselona» va "PSJ" klublari qiziqish bildirayotgan haqida xabarlar tarqatilgandi.
2019/20 yilgi mavsumda Upamekano 36 ta uchrashuvda maydonga tushdi. Himoyachi ikki golga hammualliflik ham qildi.
