Angliyaning «Liverpul» klubi hujumchisi Muhammad Saloh jamoaning YECHLdagi 2018/2019 yilgi va Angliya chempionatining 2019/2020 yilgi mavsumlariga baho berdi.
«Odamlar mendan har doim ikki kubokdan qaysi birini ko‘proq afzal ko‘rasiz deb so‘rashganida, har ikkalasini ham afzal ko‘rishimni aytganman. Baxtimizga ikki kubokni ham qo‘lga kiritdi. Bu juda ajoyib.
APLdagi g‘alaba juda ajoyib va aqlbovar qilmas darajada. Jamoaga kelgan birinchi kunimdayoq Premyer-ligada g‘olib chiqishni istayotganimni aytganman. Muxlislar shunchaki hayratda qoldiradi, men bu yerda juda baxtiyorman. YECHLda g‘alaba qozonish juda yoqimli, chunki u – Yevropa Chempionlari Ligasi. Bu yutuq jamoa uchun shunchaki super», – Salohning so‘zlaridan iqtibos keltirmoqda "qizillar" matbuot xizmati.
