Sky Sports portalining tarqatgan ma’lumotiga qaraganda, Angliya Futbol Ligasi tomonidan o‘tkazilgan tekshiruv natijasida Chempionship vakili «Sheffild Uensdey» klubida moliyaviy firibgarlik isbotlangan. Shu sababli, klub kelayotgan mavsum hisobidan 12 ochkodan mahrum etildi va shu tariqa 2020/2021 yilgi mavsumni -12 ochko bilan boshlaydi.
Xabarda aytilishicha, «Sheffild Uensdey» ushbu qarorni kelayotgan chorshanba kuni olishadi va shundan keyingina apellyasiya berish huquqiga ega bo‘lishadi.
Eslatib o‘tamiz, Chempionship-2019/2020da «Sheffild Uensdey» klubi 46 ta uchrashuvda maydonga tushib, 56 ochko jamg‘ardi va turnir jadvalining 16-o‘rnini band etdi.
