«Ufa» bosh murabbiyi Vadim Yevseev jamoa yarim himoyachisi Oston O‘runov qay tariqa o‘sishga erishgani haqida fikr bildirdi.

"U yig‘inga keldi, mashg‘ulotda ishtirok etdi. Birinchi yig‘inlarda men unda hech narsa ko‘rmadim, u menda iliq taassurot qoldirmadi. Ikkinchi yig‘inda esa ko‘proq o‘yinlarda ishtirok etdik va u o‘zini ko‘rsata boshladi.

Agar kelgan zahoti asosiy tarkibda o‘ynay boshlagan bo‘lsa, demak, u yuqori saviyadagi futbolchi. U boshqa raqobatchilarni yengib o‘tib, asosiy tarkib o‘yinchisiga aylandi. U jismoniy jihatdan baquvvat, yuqori texnika va dribling egasi. RPLda raqibda aldab o‘tib keta oladigan futbolchilar ko‘p emas. Vlashich, Bakayev va Xvichni aytishim mumkin. Ular nozik texnik egasa bo‘lsa, O‘runov tezlikda aldab o‘tib ketadi.

Maydonning yakuniy qismida unda muammolar bormi? Buning uchun biz murabbiylar bormiz. Lekin men bu fikrga qo‘shilmayman. Uning so‘nggi uzatmasi ham yaxshi va yaxshi yo‘lga qo‘yilgan zarbasi bor. Unga bo‘lgan yuqori qiziqishni tushuntirib bera olmayman. Men ham uni avval bilmagandim, ko‘rmagandim. Uni jamoaga Gazizov olib keldi. Birinchi yig‘ingacha u haqda eshitmagandim", — dedi Yevseev.