«Уфа» бош мураббийи Вадим Евсеев жамоа ярим ҳимоячиси Остон Ўрунов қай тариқа ўсишга эришгани ҳақида фикр билдирди.

"У йиғинга келди, машғулотда иштирок этди. Биринчи йиғинларда мен унда ҳеч нарса кўрмадим, у менда илиқ таассурот қолдирмади. Иккинчи йиғинда эса кўпроқ ўйинларда иштирок этдик ва у ўзини кўрсата бошлади.

Агар келган заҳоти асосий таркибда ўйнай бошлаган бўлса, демак, у юқори савиядаги футболчи. У бошқа рақобатчиларни енгиб ўтиб, асосий таркиб ўйинчисига айланди. У жисмоний жиҳатдан бақувват, юқори техника ва дриблинг эгаси. РПЛда рақибда алдаб ўтиб кета оладиган футболчилар кўп эмас. Влашич, Бакаев ва Хвични айтишим мумкин. Улар нозик техник эгаса бўлса, Ўрунов тезликда алдаб ўтиб кетади.

Майдоннинг якуний қисмида унда муаммолар борми? Бунинг учун биз мураббийлар бормиз. Лекин мен бу фикрга қўшилмайман. Унинг сўнгги узатмаси ҳам яхши ва яхши йўлга қўйилган зарбаси бор. Унга бўлган юқори қизиқишни тушунтириб бера олмайман. Мен ҳам уни аввал билмагандим, кўрмагандим. Уни жамоага Газизов олиб келди. Биринчи йиғингача у ҳақда эшитмагандим", — деди Евсеев.