«Ufa» ta’sis kengashi raisi Rostislav Murzagulov yarim himoyachi Oston O‘runovning «Spartak»ka o‘tishi mumkinligi haqidagi xabarlarga izoh berdi.

– Shamil Gazizovning aytishicha, O‘runov bo‘yicha 6 million yevroga teng takliflar bor ekan.
– Ha, futbolchimiz bo‘yicha yaxshi takliflar bor. Yaqin orada bir qarorga kelamiz. Taklif qilingan summalarni oshkor qila olmayman.

– Daniil Fomin «Dinamo»ga o‘tgani haqida yozilmoqda.
– Ikki futbolchimizni sotamiz. Bu haqda esa keyingi haftada e’lon qilamiz. Ertaga ushbu masalada yig‘ilish o‘tkazamiz. O‘shanda yakuniy qarorga kelamiz, – dedi Murzagulov.

Avvalroq 19 yoshli O‘runov ertaga, 3 avgust kuni «Spartak» safida tibbiy ko‘rikdan o‘tishi haqida xabar berib o‘tgan edik.