«Уфа» таъсис кенгаши раиси Ростислав Мурзагулов ярим ҳимоячи Остон Ўруновнинг «Спартак»ка ўтиши мумкинлиги ҳақидаги хабарларга изоҳ берди.

– Шамиль Газизовнинг айтишича, Ўрунов бўйича 6 миллион еврога тенг таклифлар бор экан.
– Ҳа, футболчимиз бўйича яхши таклифлар бор. Яқин орада бир қарорга келамиз. Таклиф қилинган суммаларни ошкор қила олмайман.

– Даниил Фомин «Динамо»га ўтгани ҳақида ёзилмоқда.
– Икки футболчимизни сотамиз. Бу ҳақда эса кейинги ҳафтада эълон қиламиз. Эртага ушбу масалада йиғилиш ўтказамиз. Ўшанда якуний қарорга келамиз, – деди Мурзагулов.

Аввалроқ 19 ёшли Ўрунов эртага, 3 август куни «Спартак» сафида тиббий кўрикдан ўтиши ҳақида хабар бериб ўтган эдик.