Londonning "Chelsi" klubi afsonasi Didye Drogba Kot-d’Ivuar futbol federasiyasi prezidentligiga asosiy nomzod bo‘lib turibdi, deya xabar tarqatmoqda The Sun.

Nashning yozishiga qaraganda, 42 yoshli sobiq hujumchi 5 sentyabr kuni bo‘lib o‘tadigan saylovlarda ishtirok etmoqchi.

Drogbadan tashqari, ushbu lavozimga yana to‘rt kishi davogarlik qilmoqda.

Drogba Kot-d’Ivuar terma jamoasi safida 2002 yildan 2015 yilgacha o‘ynagan va mamlakat terma jamoasi tarixidagi eng yaxshi to‘purarga aylangan (105 ta o‘yin, 65 ta gol).