"Manchester Siti" allaqachon yangi mavsum uchun tarkibini kuchaytirishni boshlagan. "Shaharliklar" "Valensiya" vingeri Ferran Torresning transferini e’lon qilishdi, ammo xarid ro‘yxati shu bilan tugamaydi.
Sky Sports xabariga ko‘ra, bosh murabbiy Pep Gvardiola markaziy himoyada va chap qanot himoyasini kuchaytirmoqchi.
Klub yaqinda "Bornmut" a’zosi Natan Akening transferini rasmiylashtirishi kutilmoqda. Bundan tashqari, "shaharliklar" "Napoli" bilan Kalidu Kulibali borasida muzokaralar olib borishmoqda.
Shuningdek, "Siti" hujumchi Serxio Aguero va yarim himoyachi David Silva bilan ham xayrlashmoqchi. Ularning o‘rniga "Inter" hujumchisi Lautaro Martines va "Atletiko"dan Joao Felish variantlari bor.
