Yevropa Ligasi musobaqasining 1/8 finalidan o‘rin olgan javob uchrashuvida «Manchester Yunayted» LASKni qabul qildi.

Uchrashuvning 55-daqiqasida Filipp Vizinger uzoq masofadan aniq zarba yo‘llab mezbonlar darvozasini ishg‘ol qildi. Oradan 2 daqiqa o‘tib, mankunianlar Jessi Lingardning goli bilan javob qaytardi.

Uchrashuvning 88-daqiqasida Antoni Marsyal "qizil ibilslar"ga g‘alaba keltirgan gol muallifiga aylandi.

Shu tariqa ingliz klubi ikki o‘yin natijasiga ko‘ra keyingi bosqichga yo‘l oldi.

Esltabi o‘tamiz, mazkur jamoalarning dastlabki o‘yini "MYU"ning 5:0 hisobidagi g‘alabasi bilan tugagan edi.

«Manchester Yunayted» Angliya — LASK Avstriya 2:1

Gollar: 0:1 – 55 Vizinger, 1:1 – 57 Lingard, 2:1 – 88 Marsyal.

Ilk o‘yin: 5:0

«Manchester Yunayted»: Romero, Bayi, Fosu-Mensa (Menji, 84), Maguayr, Uilyams (Chong, 72), Lingard (Pogba, 63), Jeyms (Marsyal, 84), Fred (Pereyra, 64), Mata, Maktomini, Igalo.

LASK: Shlager, Andrade (Filipovich, 80), Trauner, Vizinger (Zabitser, 73), Ranftl, Holland, Mixorl, Balich (Rayter, 66), Renner, Frizer, Raguj.

Ogohlantirishlar: Mixorl (34), Maktominay (39).