«Manchester  Siti» Yevropa chempionlar ligasida o‘z yurishini davom ettiradi. «Real» esa, nimchorak final javob bahsida o‘ziga o‘xshamadi. Ayniqsa, madridlik himoyachilar ko‘plab xatolarga yo‘l qo‘yishdi. Ayniqsa, Rafael Varaning xatolari "Qirollik klubi"ga qimmatga tushdi.

Bahsning 9-daqiqasida fransiyalik futbolchi o‘z darvozaboni bilan uzatmalar almashayotganida to‘pni Jezusga oldirib qo‘ydi. Gabriyelning uzatmasini esa Sterling yaqin masofadan darvozaga joylab qo‘ydi.

Oradan 20 daqiqa o‘tar-o‘tmas "Real" hisobni tenglashtirdi. Rodrigo o‘ng qanotdan yetkazilgan uzatmani Benzema bosh bilan raqib darvozasiga joylab qo‘ydi.

Gvardiola shogirdlari ikkinchi bo‘limni yanada kuchliroq o‘tkazishdi. Bahsning 68-daqiqasida Varan bosh bilan to‘pni darvozabonga yetkazdi. Jezus esa to‘pga ertaroq yetib bordi va Kurtuani dog‘da qoldirdi — 2:1.

Goldan keyin Zidan jamoasi vaziyatni o‘zgartirish harakat qildi, ammo bu kecha "Siti" kuchliroq edi va haqli ravishda chorak finalga yo‘l oldi.

Yevropa chempionlar ligasi, nimchorak final, javob o‘yini
Manchester Siti Angliya – Real Madrid Ispaniya 2:1 (1:1, 1:0)
Gollar: 1:0 – 9 Sterling, 1:1 – 28 Benzema, 2:1 – 68 Gabriel Jezus.
Manchester Siti – Ederson, Joau Kanselu, Uoker, Laport, Fernandinyo, de Bryuyne, Rodri Ernandes (Otamendi, 89), Foden (Bernardu Silva, 67), Gyundogan, Sterling (Silva, 81), Gabriel Jezus.
Real Madrid – Kurtua, Karvaxal (Vaskes, 83), Militao, Varan, Mendi, Kroos, Kazemiro, Rodrigo (Asensio, 61), Modrich (Valverde, 83), Azar (Yovich, 83), Benzema.
Ogohlantirishlar: Modrich (81).
Dastlabki o‘yin: 2:1