«Манчестер  Сити» Европа чемпионлар лигасида ўз юришини давом эттиради. «Реал» эса, нимчорак финал жавоб баҳсида ўзига ўхшамади. Айниқса, мадридлик ҳимоячилар кўплаб хатоларга йўл қўйишди. Айниқса, Рафаэль Варанинг хатолари "Қироллик клуби"га қимматга тушди.

Баҳснинг 9-дақиқасида франциялик футболчи ўз дарвозабони билан узатмалар алмашаётганида тўпни Жезусга олдириб қўйди. Габриелнинг узатмасини эса Стерлинг яқин масофадан дарвозага жойлаб қўйди.

Орадан 20 дақиқа ўтар-ўтмас "Реал" ҳисобни тенглаштирди. Родриго ўнг қанотдан етказилган узатмани Бензема бош билан рақиб дарвозасига жойлаб қўйди.

Гвардиола шогирдлари иккинчи бўлимни янада кучлироқ ўтказишди. Баҳснинг 68-дақиқасида Варан бош билан тўпни дарвозабонга етказди. Жезус эса тўпга эртароқ етиб борди ва Куртуани доғда қолдирди — 2:1.

Голдан кейин Зидан жамоаси вазиятни ўзгартириш ҳаракат қилди, аммо бу кеча "Сити" кучлироқ эди ва ҳақли равишда чорак финалга йўл олди.

Европа чемпионлар лигаси, нимчорак финал, жавоб ўйини
Манчестер Сити Англия – Реал Мадрид Испания 2:1 (1:1, 1:0)
Голлар: 1:0 – 9 Стерлинг, 1:1 – 28 Бензема, 2:1 – 68 Габриэл Жезус.
Манчестер Сити – Эдерсон, Жоау Канселу, Уокер, Лапорт, Фернандиньо, де Брюйне, Родри Эрнандес (Отаменди, 89), Фоден (Бернарду Силва, 67), Гюндоган, Стерлинг (Сильва, 81), Габриэл Жезус.
Реал Мадрид – Куртуа, Карвахаль (Васкес, 83), Милитао, Варан, Менди, Кроос, Каземиро, Родриго (Асенсио, 61), Модрич (Вальверде, 83), Азар (Йович, 83), Бензема.
Огоҳлантиришлар: Модрич (81).
Дастлабки ўйин: 2:1