Taniqli sharhlovchi Davron Fayziyev bugungi o‘yinlardan keyin o‘z fikrlari bilan o‘rtoqlashdi.
"Ikkita teng kuchli jamoa o‘ynaganda ko‘pincha shunday mayda detallar hal qiladi. Varan bir yo‘la ikki marta adashdi. Nega? Chunki "Manchester Siti"ning dahshatli pressingi majbur qildi. Bu oddiy ko‘ringan xatolar zamirida "Siti"ning to‘psiz harakati yotibti. Balki Zidan va "Real" muxlislarining Varanga nisbatan dastlabki reaksiyasi juda salbiydir. Ammo eslatib o‘tmoqchiman, "Real Madrid" 4 marta Chempionlar ligasini shu Varan bilan yutdi, Fransiya esa Jahon chempionatini.
Narigi uchrashuvda apset bo‘ldi. "Lion" turnir favoritlaridan biri "Yuventus"ni yiqitdi. Ronalduning dubllari "Real"ga yetishmadi, "Yuve"ga esa yetmadi. Sarri bilan bu tarkib shunchaki uvol. "Yuventus" boshqa murabbiy bilan ko‘karadi va mevaga kiradi. Sarri esa TOP emas va uning uchun ham xayrli yo‘l boshqa klubdir.
"Manchester Siti" va "Lion" kun qahramonlari. Katta favoritlarni chiqarib yuborishdi", — deya telegram-kanalida yozib qoldirdi Fayziyev.
