Myunxenning «Bavariya» klubi Chempionlar Ligasining 1/8 final javob uchrashuvida «Chelsi»ni (4:1) mag‘lubiyatga uchratdi.
Ushbu bahs «Bavariya» hujumchisi Tomas Myuller uchun Chempionlar Ligasidagi 112-uchrashuv bo‘ldi.
Shu tariqa Myuller germaniyalik futbolchilar ichida Chempionlar Ligasida eng ko‘p o‘yin o‘tkazgan «Bavariya» sobiq himoyachisi Filipp Lamga etib oldi.
30 yoshli Myuller Bundesliganing 2019/20 yilgi mavsumida 33 ta o‘yin o‘tkazib, 8 ta gol va 21 ta golli uzatmaga mualliflik qildi. Bundan tashqari, u Chempionlar Ligasi bahslarida ham 7 ta o‘yinda maydonga tushib, 2 ta gol urgan.
