"PSJ" ustozi Tomas Tuxel Yevropa chempionlar ligasi chorak final bahsi oldidan "Atalanta" haqida o‘z fikrini bildirib o‘tdi.

"Atalanta"ga qarshi o‘yinda bizga yaxshi himoya juda ham kerak. Ular noyob o‘yin uslubiga ega. Ular butun jamoa bo‘lib hujumga o‘tishadi, yuqori pressing qo‘llashadi va doimo oldinga intilishadi. Ularning 10-raqamli futbolchisi — Gomes aniq bir pozisiyaga bog‘lab qo‘yilmagan. Ular qisqa paslar orqali kombinasiya tashkil etishga harakat qilishadi.

"Atalanta"ning qanot futbolchilari tez-tez oldinga o‘tib, jarima maydoniga ko‘p uzatmalar berishadi. Shuningdek, ular olis masofadan ham zarbalar berishadi. Himoyada o‘ta ehtiyotkor harakat qilishimiz kerak. Bu o‘yinda gol o‘tkazib yubormaslik juda qiyin bo‘ladi.

Bizning g‘alabaga bo‘lgan asosiy "kalit"imiz — Keylor Navas. U xotirjam futbolchi va ushbu musobaqada uning tajribasi katta. U himoyachilarning xotirjam bo‘lishiga yordam beradi", — dedi Tuxel.

Eslatib o‘tamiz, "PSJ" - "Atalanta" uchrashuvi ertaga, 12 avgust kuni bo‘lib o‘tadi.