Xabaringiz bor, 2018 yilda jamoamizga kelib qo‘shilgan legionerlardan biri Vyacheslav Sushkin ko‘p o‘tmay jamoani tark etgan va FIFAga davo arizasi bilan chiqqan. Uzoq davom etgan bu mojaro natijasida FIFA "Neftchi"ga nisbatan o‘zining qarorini chiqargan. Qarorga asosan "Neftchi" FK ni V.Sushkin oldidagi qarzlarini to‘laligicha bartaraf etmaguncha navbatdagi uchta transfer oynasida qatnashish huquqidan mahrum etgan. Lekin jamoamiz homiylari va rahbariyatining samarasi o‘laroq bu muammo ijobiy hal etildi. Vyacheslav Sushkinga belgilangan mablag‘ miqdori to‘laligicha hisob-kitob qilindi va uning oldidagi qarzdorlik masalasi hal bo‘ldi. O‘z navbatida, Vyacheslav Sushkin "Neftchi" FKga hech qanday e’tirozi yo‘qligi borasida rasmiy xat bilan chiqqan.

Karantin sababli mamlakatimizda barcha futbol musobaqalari to‘xtatilganligi bois, Pro liga jamoalari ham tayyorgarlikni davom ettirishmoqda. Shu jumladan, "Neftchi" jamoamiz ham chempionat restartiga tayyorgarlikni o‘z qarorgohlarida qizg‘in davom ettirmoqdalar. Transfer oynasi ochilishi bilan "Qo‘qon-1912" da ijara asosida o‘ynagan futbolchimiz Shodiyor Hojimatov qadrdon jamoasiga qaytib, mashg‘ulotlarda qatnashmoqda.

Jamoaning sobiq mohir o‘yinchisi Pavel Smolyachenko ham hujjatlari oxirigacha rasmiylashtirildi va u ham jamoa bilan birga tayyorgarlik olib bormoqda. Aytib o‘tish joizki, jamoa ko‘rigida yana bir qator iqtidorli futbolchilar ishtirok etishmoqda. Ular orasida "Bunyodkor" U-18 yoshlar jamoasi hamda O‘zbekiston U-19 terma jamoasining vakili Jaloliddin Sodiqov ham bor. Undan tashqari jamoa yana bir nechta futbolchilar bilan muzokaralar olib bormoqda. Bu xaqda keyinroq ma’lumot berib boramiz.

"Neftchi" matbuot xizmati