Ertaga UFC ham katta turnir o‘tkazadi. Super og‘ir toifada tarixda eng kuchli jangchi nomi uchun Daniyel Kormye va Stipe Miochich oktagonga chiqishadi.

Bu ularning uchinchi jangi. Birinchisida Miochich og‘ir vaznda chempionlik himoyasi bo‘yicha rekordchi sifatida favorit hisoblangan. Ammo Kormye yaqin masofaga kirib uni nokautga uchratgan va kamarni tortib olgan.

Ikkinchi o‘zaro jangda Miochich yo‘l yo‘lakay taktikani o‘zgartirgan va burilish yasab, g‘alaba qozongan. Stipe yana chempion, uzaro hisob 1:1.

Mana endi trilogiya. DC Kormye shu jangdan keyin faoliyatini tugatadi. Miochich g‘alaba qozonsa haqli ravishda UFC tarixida eng kuchli og‘ir vazn jangchisi sifatida tan olinadi.

O‘zbekistonda bu safar turnir translyasiya qilinmaydi. Ammo keyingi safargi raqamli iventlar namoyishi Uzreport rejasida albatta bor.

Musobaqaning asosiy kardi bilan tanishing:

Stipe Miochich (19-3) — Daniel Kormye (22-2)

Shon O`Melli (12-0) — Marlon Vera (15-6-1).

Junior Dos Santos (21-7) — Jairzinyo Rozenstrayk (10-1).

Gerbert Byorns (11-2) — Daniel Pineda (26-13).

Merab Dvalishvili (11-4) — Jon Dodson (22-11).

UFC 252 kechasi Toshkent vaqti bilan 03:00 da start oladi. asosiy kard janglari esa 05:00 dan boshlanadi.