Coca Cola Superligasining 10-turi doirasida “Navbahor” Termizning “Surxon” jamoasiga qarshi maydonga tushadi.
Mazkur klublar shu kungacha milliy chempionatlarimiz tarixida o‘zaro 26 marta ro‘baro‘ kelishgan. Ushbu o‘yinlarning 5tasida termizliklar g‘alaba qozonishgan bo‘lsa, 18 tasida “lochinlar”ning qo‘li baland kelgan (bitta o‘yinda “Navbahor”ga texnik g‘alaba yozilgan), 3ta bahsda esa jamoalar murosa ko‘chasini tanlashgan. To‘plar nisbati – 73-20, “Navbahor” foydasiga.
O‘zaro uchrashuvlarda “Surxon” 18 ochkoni, “Navbahor” esa 57 ochkoni qo‘lga kiritgan.
Ushbu jamoalar o‘rtasidagi o‘yinlardagi eng yirik - 9:0 hisobi 1997 yili Namanganda qayd etilgan. Ta’kidlash joizki, namanganliklar o‘tkazilgan 26ta bahsning 12 tasida termizliklar ustidan yirik hisobda zafar quchishgan.
Toshkentdagi TTYMI stadionida o‘tkaziladigan mazkur bahsda “Surxon” nominal mezbon bo‘lganligi bois, mazkur klublarning Surxondaryoda bo‘lib o‘tgan bahslariga to‘xtaladigan bo‘lsak, jamoalar Termizda o‘zaro 13 marta kuch sinashishgan. Mazkur o‘yinlarning 5 tasida termizliklar g‘alaba qozonishgan bo‘lsa, 5 tasida namanganliklar zafar quchishgan, yana 3ta bahsda esa durang natija qayd etilgan.
“Surxon” o‘z maydonida o‘tkazilgan o‘zaro uchrashuvlarda “Navbahor” darvozasini 16 marta ishg‘ol etgan bo‘lsa, namanganliklar termizliklar darvozasiga 24ta to‘p kiritishgan.
Termizda o‘tgan yili bo‘lib o‘tgan so‘nggi bahsda nursiz durang, ya’ni 0:0 hisobi qayd etilgandi.
Barcha uchrashuvlar qaydnomasi:
28.03.1992. Surxon – Navbahor - 1:1
29.10.1992. Navbahor – Surxon - +:-
13.04.1994. ASK – Navbahor - 2:3
13.11.1994. Navbahor - ASK - 2:1
11.06.1995. Navbahor - ASK - 4:0
19.08.1995. ASK - Navbahor - 2:5
26.06.1996. Navbahor - ASK - 4:1
29.08.1996. ASK - Navbahor - 1:4
13.04.1997. Navbahor – Surxon - 9:0
04.10.1997. Surxon – Navbahor - 1:0
18.04.1998. Navbahor – Surxon - 5:0
08.10.1998. Surxon – Navbahor - 3:1
06.06.1999. Navbahor – Surxon - 1:0
14.08.1999. Surxon – Navbahor - 1:0
19.04.2000. Surxon – Navbahor - 3:3
30.09.2000. Navbahor – Surxon - 5:0
23.06.2001. Surxon - Navbahor 0:3
31.07.2001. Navbahor - Surxon 7:1
28.04.2002. Surxon – Navbahor - 1:0
19.10.2002. Navbahor – Surxon - 1:0
14.05.2003. Surxon – Navbahor - 1:0
13.09.2003. Navbahor – Surxon - 2:1
15.03.2004. Navbahor – Surxon - 6:0
05.11.2004. Surxon – Navbahor - 0:4
21.04.2019. “Navbahor” – “Surxon” – 3:0
19.10.2019. “Surxon” – “Navbahor” – 0:0.
“Navbahor” PFK matbuot xizmati.
