Coca Cola Superligasi 10-turidan o‘rin olgan "Bunyodkor" - "Metallurg" (2:0) uchrashuvidan keyin mezbonlar ustozi Andrey Shipilov o‘z fikrlarini bildirdi.

— O‘yin haqida
— Chempionat yana tiklandi va biz o‘ynashni boshladik. Hamma jamoalar har xil holatda edi. Biz bu bahsga deyarli 30 kun tayyorgarlik ko‘rdik. Birinchi bo‘limda yaxshi vaziyatlar bo‘ldi, ammo foydalana olmadik. Shunchaki gol urish kerak edi, o‘shanda bahs boshqacha kechgan bo‘lardi. "Bunyodkor"ni g‘alaba bilan tabriklayman.

— Maydon markazidagi futbolchilar Ismatullayev bugun maydonga tushmadi, Chumak ham o‘ynamadi...
— Chumak 4 ta sariq kartochka olgani uchun tushmadi. Ismatullayev esa jarohatlangani uchun maydonda ko‘rinish bermadi.

— Klublarning Davlat aktivlarini boshqarish agentligiga o‘tishi haqida nima deya olasiz?
— Bunga izoh berolmayman. Klubda bu ishlar bilan shug‘ullanadigan shaxslar, kombinat rahbariyati bor. Menda hozir boshqa muammolar bor: jamoani bahslarga qanday qilib to‘g‘ri tayyorlash, jarohatlanganlar bilan ishlash, jismoniy holat ustida bosh qotirish, ketma-ket o‘yinlarda qatnashish.