"Buxoro" bosh murabbyi Jamshid Saidov "Qizilqum"ga qarshi (0:1) o‘yindan keyin quyidagi fikrlarni bildirib o‘tdi.
"O‘yin haqida nima deyishim mumkin? Yigitlarga rahmat deyman, ular borlarini berib maydonda to‘p surishdi.
O‘yindagi yagona penalti, o‘yin taqdirini hal qildi. Albatta har 3 yoki 4 kunda futbol o‘ynash qiyin, tiklanish jarayoni og‘ir kechadi. Yigitlarimiz ko‘plari hali yosh, lekin aytganimdek borlarini berib o‘ynashyaptilar. Afsus biz o‘zimiz intilgan natijaga erisha olmadik.
Transfer oynasi ochiq, biz harakat qilyapmiz bir qator mahoratli futbolchilarni safimizda ko‘rishga, lekin afsuslar bo‘lsinki ayrim muammolar tufayli, biz tarkibga yangi futbolchilarni qo‘shib ololmayapmiz. Biz muammolarning tezroq bartaraf etilishini kutyapmiz", -dedi murabbiy.
