"Бухоро" бош мураббйи Жамшид Саидов "Қизилқум"га қарши (0:1) ўйиндан кейин қуйидаги фикрларни билдириб ўтди.
"Ўйин ҳақида нима дейишим мумкин? Йигитларга раҳмат дейман, улар борларини бериб майдонда тўп суришди.
Ўйиндаги ягона пеналти, ўйин тақдирини ҳал қилди. Албатта ҳар 3 ёки 4 кунда футбол ўйнаш қийин, тикланиш жараёни оғир кечади. Йигитларимиз кўплари ҳали ёш, лекин айтганимдек борларини бериб ўйнашяптилар. Афсус биз ўзимиз интилган натижага эриша олмадик.
Трансфер ойнаси очиқ, биз ҳаракат қиляпмиз бир қатор маҳоратли футболчиларни сафимизда кўришга, лекин афсуслар бўлсинки айрим муаммолар туфайли, биз таркибга янги футболчиларни қўшиб ололмаяпмиз. Биз муаммоларнинг тезроқ бартараф этилишини кутяпмиз", -деди мураббий.
