PSJ hujumchisi Neymar davrimizning eng yaxshi ikki futbolchisi haqida gapirdi. U ham ularning safiga qo‘shilishni xohlaydi, lekin avvalambor jamoaning muvaffaqiyati haqida o‘ylaydi. Neymar fransuz klubi bilan Chempionlar ligasida g‘olib chiqishni istaydi.
"Messi va Ronaldu "Oltin to‘p"ni qo‘lga kiritishdi, chunki so‘nggi 10 yil davomida ular fantastik harakat qilishdi. "Oltin to‘p"ni qo‘lga kiritish men uchun sharaf bo‘lardi. Ammo bu maydonda nimaga erishishingizga, klubingizning g‘alaba qozonishiga qanday yordam berishingizga bog‘liq, shuning uchun men asosiy e’tiborimni jamoamning g‘alabasiga qarataman.
Chempionlar ligasida g‘alaba qozonish — bu o‘zgacha tuyg‘u, men buni bilaman. Ammo PSJ bilan g‘alaba qozonish tarixga kirishni anglatadi. Shuning uchun men bu yerga keldim», — dedi Neymar.