ПСЖ ҳужумчиси Неймар давримизнинг энг яхши икки футболчиси ҳақида гапирди. У ҳам уларнинг сафига қўшилишни хоҳлайди, лекин авваламбор жамоанинг муваффақияти ҳақида ўйлайди. Неймар француз клуби билан Чемпионлар лигасида ғолиб чиқишни истайди.
"Месси ва Роналду "Олтин тўп"ни қўлга киритишди, чунки сўнгги 10 йил давомида улар фантастик ҳаракат қилишди. "Олтин тўп"ни қўлга киритиш мен учун шараф бўларди. Aммо бу майдонда нимага эришишингизга, клубингизнинг ғалаба қозонишига қандай ёрдам беришингизга боғлиқ, шунинг учун мен асосий эътиборимни жамоамнинг ғалабасига қаратаман.
Чемпионлар лигасида ғалаба қозониш — бу ўзгача туйғу, мен буни биламан. Aммо ПСЖ билан ғалаба қозониш тарихга киришни англатади. Шунинг учун мен бу ерга келдим», — деди Неймар.
