“Paxtakor” futbol klubi va O‘zPFL “Jar” stadioni projektorlarini ko‘zdan kechirib, mazkur stadiondagi uchrashuvlar vaqtini o‘zgartirishga erishgandi.

Unga ko‘ra, 22 avgust sanasidagi “Navbahor” — “Mash’al” uchrashuvi hamda 24 avgust kungi “Qo‘qon-1912” — “Andijon” uchrashuvlari 17:00dan 18:30 ga ko‘chgandi.

Bugun — 22 avgust kuni “Sport” telekanali “Jar” stadionidagi so‘nggi uchrashuv — 27 avgustdagi “Lokomotiv” — “Nasaf” o‘yinini ham 18:30 dan boshlab jonli namoyish qilishga tayyor ekanini ma’lum qildi. Buning uchun telekanalga minnatdorchilik bildiramiz.

TTYMI instituti maydoni projektorlarini sozlash imkoniyati mavjud emas. Shundan kelib chiqib, uchrashuvlari mazkur stadionlarda o‘tayotgan jamoalar mavjud vaziyatni to‘g‘ri tushunayotganlari uchun O‘zPFL nomidan rahmat aytamiz. Karantin tartibining qisman bekor qilinishi sentyabr oyidan boshlab uchrashuvlarni uy-safar tizimida o‘tkazish imkonini beradi. Bunda uchrashuvlar vaqtini belgilash avvalgi tartibda davom etadi.