Coca Cola Superligasi 11-turidan o‘rin olgan "Navbahor" - "Mash’al" (0:1) uchrashuvidan keyin mezbonlar ustozi Andrey Kanchelsksis o‘z fikrlarini bildirdi.

"Birinchi navbatda "Mash’al"ni g‘alaba bilan tabriklayman. Barakalla, yigitlar. Ikki xil taym bo‘ldi. Birinchi taymda juda yomon o‘ynadik. Ikkinchi taymda vaziyatlarga ega bo‘ldik, hisobni tenglashtirishimiz kerak edi. Qayerdadir omad kelmadi, bu futbol.

Tashkilotchilarga rahmat aytaman. Oldingi tur bilan solishtirganda yaxshiroq maydon va qulay vaqtga belgilab berishganiga rahmat.

Bugun maydonga tushgan futbolchilarga rahmat. Ularga ikkinchi taym uchun e’tirozim yo‘q. Birinchi taymni esa tahlil qilamiz. Hayot davom etadi, keyingi turdagi AGMK bilan o‘yinga tayyorgarlik ko‘ramiz.

Bugun g‘alaba uchun nima yetishmadi? Gollar yetishmadi. Tarkibimizda yo‘qotishlar bor. Bir qancha futbolchilarda kasallik simptomlari bor. Ammo tarkibimizda boshqa futbolchilar ham bor, ular maydonga tushib o‘ynashlari kerak. Koronavirus bizni ham chetlab o‘tgani yo‘q. Tahlil qilamiz, gaplashamiz. Bugun biz mag‘lub bo‘ldik, raqib esa yutdi, "Mash’al"ni tabriklayman.

No‘’mon Hasanov "Navbahor"da mening yordamchi bo‘ladi. Mashg‘ulotlar jarayonida ham, boshqa ishlarda ham. Ayni paytda mening yordamchim karantin tufayli Moskvadan kela olmayapti. Shu bois Hasanov menga yordam beradi", — deydi Andrey Kanchelskis.