O‘zbekiston Superligasida yana bir iste’fo ro‘y berishi mumkin.
Bu mavsum haligacha g‘alaba nimaligini bilmay kelayotgan "Andijon" klubi bosh murabbiyi Viktor Kumikov o‘z xohshiga ko‘ra iste’foga chiqishi mumkin. Bu haqda uning o‘zi saytimiz xodimi Jaloliddin Qobiljonov bilan bo‘lgan intervyuda ma’lum qildi.
Kumikovning aytishicha, unga rahbariyatning qarorlari yoqmayapti va tez orada o‘z xohishiga ko‘ra jamoani tark etmoqchi.
Eslatib o‘tamiz, 57 yoshli Viktor Balyutovich jamoani Aleksandr Xomyakovdan keyin qabul qilib olgan edi.
