Roy Djonsning cho‘qqiga chiqqan davrida Ring qirollari ko‘rsatuvimda har bir jangini qoldirmay sharhlab borardim. Uni takrorlanmas uslub egasi, natija emas muxlislar e’tiborini ustun qo‘yadigan, vazni og‘ir ammo tezligi maksimal buyuk chempion sifatida eslab qolganmiz. Endi qaytmoqchi. Bungaku e’tirozim yo‘q. Mayk Tayson bilan jang o‘tkazmokchi, bunga ham qarshi emasman. Lekin.. bularning niyati sportcha raqobat emas! Jang qoidalari e’lon qilingandayoq shubha paydo bo‘ldi. Muddati o‘zgarganda shubham kuchaydi. Siz bilan bizning nostalgiya tuyg‘ularimiz, hurmatimiz va sog‘inchimizdan foydalanib, ringda biri yolg‘ondakam seriyalar ijro etib, biri esa ikki uch marta mashhur xuk zarbalarini havoga yo‘llab millionlarni qo‘lga kiritishmoqchi holos. Kerak emas bunday shou. Jang bo‘lsa agar normal odatiy qoidalar kiritilsin, yoshi inobatga olinib raundi kamaytirilsin mayli, ammo avvalgidek raqibni yo‘q qilib tashlash tuyg‘usi bilan chiqishsin. Boshqacha holda bu buyuk chempionlarni ko‘rishni istamagan bo‘lardim. 

Davron Fayziyev