«Liverpul»ning mag‘lubiyatiga (durangiga) hayron bo‘lmadim. Natija tasodif emas, «Arsenal» hisobda oldinga chiqib olguncha, raqibga imkoniyat bermayotgandi, faqat ikkinchi taymning o‘rtalarida tashabbus Klopp jamoasiga o‘tdi, oxirida esa, yana «Arsenal» yaxshi o‘ynadi - natijaga mos bo‘lgan teng o‘yin.

Hayron bo‘lmaganim, «Liverpul» hali ham «Arsenal», «Chelsi» yoki «Yunayted»dan bir bosh baland jamoadir, to‘g‘ri, lekin yangi mavsumda ularga oson bo‘lmaydi. «Liverpul»ning vazifasini osonlashtirgan asosiy faktor — turnir jadvalidagi 20 ochkolik zapas edi. Raqibga ochko zarur, «Liverpul» esa, juda ko‘p set-bol, ya’ni, xato qilish imkoniyatiga ega holda, bosimsiz o‘ynayvergan. Bu katta ustunlik.

Masalan, raqib bilan teng imkoniyatda va sharoitda bo‘lgan paytdagi o‘yinlarga qarang:

Liga kubogida 0:5 mag‘lubiyat, lekin mayli, yoshlar o‘ynagani uchun qo‘shmaymiz.

Angliya kubogida «Chelsi»dan mag‘lubiyat.

YECHL guruh bosqichida «Napoli»dan mag‘lubiyat bor.

Pley-offda «Atletiko» bilan durang va mag‘lubiyat.

Bugun «Arsenal»...

Aytmoqchimanki, «Liverpul» yutish shart bo‘lgan o‘yinlarda buyurtma asosida g‘alaba qozonib ketaveradigan, barkamol jamoa emas. U darajada. Ayniqsa, yilning ikkinchi yarmida. Faqat turnir jadvalidagi ustunlik ularni bosimdan xalos qilib, g‘alabali seriyani xotirjam bosib o‘tishga sharoit yaratgandi, balkim.

Qahramon Aslanov.