Katta ehtimol bilan ayni damda “Liverpul” jamoasida bo‘lajak futbol yulduzi tarbiyalanmoqda. Qahramonimiz Eronda tug‘ilgan, boriq keyinchalik oilasi Angliyaga ko‘chib o‘tadi. 2017-yilda 3 yoshli bolakayning jismoniy imkoniyatlari aks etgan video ijtimoiy tarmoqlarni portlatib yuboradi.
6 yoshli Arat Xossayni allaqachon dunyo futbol muxlislari e’tiboriga tushgan. Uning Instagram tarmog‘ida 4,2 million kuzatuvchisi bor. Bu Rossiya terma jamoasi sardori Artyom Dzyubanikidan 3 barobar ko‘proq degani. Bundan tashqari, u haqida dunyoning eng taniqli nashrlari tinmay yozmoqda. Hatto, FIFA rasmiy sayti ham 6 yoshli bolakayning super jismoniy holati haqida to‘xtalib o‘tishga qaror qildi. Uning futbol maydonida tengqurlarini chaqqonlik bilan “aldab” o‘tayotganini ko‘rgan barcha o‘z-o‘zidan Aratning muxlisiga aylanib bormoqda. Bo‘lajak futbolchining dadasi ham Aratdagi qobiliyatning rivojlanishida katta rol ijro etmoqda.
“U yoshlik chog‘ida, tinmay yugurar, hech qachon to‘xtab qolmas edi. Men o‘g‘lim 6 oylik chog‘idayoq unda sportchilarga hos mahorat mavjud ekanligini sezganman.”
Bolakayning jismoniy imkoniyatlari kishi ko‘zini qamashtirmay qolmaydi. Arat ulg‘aygach, futbolga mehr qo‘yadi. Shu sababli, uning otasi o‘g‘lini “Liverpul” klubi akademiyasiga olib keladi. E’tiborlisi shundaki, Arat qisqa muddatda tengqurlaridan ajralib chiqishga muvaffaq bo‘ldi. Maydondagi tezkor harakatlari, dribbling va texnikasi uni internet tarmog‘ida mashhur bo‘lib ketishiga sabab bo‘ldi. Ayniqsa, Aratning bir urunishda 1030 bor to‘pga zarba bergani aks etgan video ijtimoiy tarmoqlarda keng tarqaldi. Shuningdek, qaychi uslubida yo‘llagan zarbasi ham ko‘plab muxlislarning olqishlariga sabab bo‘ldi.
Yosh eronlik futbolchi Leonel Messining ashaddiy muxlisi. Aratning dadasi o‘gli qachonlardir albatta “Barselona” jamoasida to‘p surishiga ishonchi komil. E’tiborlisi shundaki, aprel oyida Aratga shaxsan Leo Messining o‘zi xabar yo‘lladi.
“Rahamat Arat! Sening imkoniyatlaring meni hayron qoldirmoqda. Seni quchib qolaman.”
Shuningdek, Ronaldu ham eronlik Messini ijtimoiy tarmoqlarda kuzatib boradi. Yosh futbolchining mashhur sportchilar bilan aloqalari juda yaxshi. Novak Jokivich ham Arat Xossaynini ijtimoiy tarmoqlarda kuzatib boradi.
Yosh futbolchining kolleksiyasida “Real”, PSJ, “Yuventus” singari jamoalarning liboslari bo‘lsada, uni asosan “Barselona” futbolkasida kuzatishingiz mumkin. Endilikda, Arat ko‘pincha “Liverpul” jamoasi futbolkasida suratga tushmoqda.
Futbolchining dadasi o‘z og‘lini qo‘llab-quvvatlash uchun hamma narsaga tayyor.
“Bizni oldinda juda og‘ir yo‘l kutib turibdi, biroq o‘glim dunyoning eng yaxshi futbolchisi bo‘lishi uchun qo‘limdan kelgan barcha yordamni ayamayman U JCHda to‘p surgan eng yosh futbolchi bo‘lishiga ishonchim komil. Shu sababli, uni turli tashqi bosimlardan himoya qilish mening vazifam. Uning o‘z maqsadi yo‘lida qoqilmay odimlashi uchun barcha narsaga tayyorman.”
