Bugun O‘zbekiston Pro-ligasining 4-turiga start beriladi. Tur doirasida "Sho‘rtan" klubi o‘z uyida "Neftchi"ni qabul qiladi.
Jamoalar shu kungacha Oliy liga va Superliga bahslarida 24 marta, O‘zbekiston Kubogi bahslarida 2 marta, Pro liga bellashuvlarida esa 4 marotaba o‘zaro to‘qnash kelishgan.
"Neftchi" jamoasining eng yirik g‘alabasi 2005 yilda Oliy liganing 7-turida qayd etilgan bo‘lib,unda farg‘onaliklar 5:0 hisobida ustun kelishgan. "Sho‘rtan" klubining eng yirik g‘alabasi esa 2011 yilda G‘uzorda qayd etilgan va 4:0 ko‘rinishida yakun topgan.
O‘zaro o‘yinlar statistikasiga nazar tashlasak, "Neftchi"da 10ta g‘alaba,"Sho‘rtan"da 11ta g‘alaba. 9ta bellashuvda jamoalar murosa ko‘chasini tanlashgan. To‘plar nisbati 36ga 37, g‘uzorliklar foydasiga.
Jamoalar joriy yilda bir marotaba O‘zbekiston Kubogi doirasida uchrashishgan bo‘lib, bu bahsda g‘uzorliklar 2:1 hisobida ustun kelishgan.
Eslatib o‘tamiz, Pro liga 4 tur "Sho‘rtan" - "Neftchi" uchrashuvi bugun 17:15 da start beriladi.
SHO‘RTAN – NEFTCHI
Hakamlar: Ilya Ilin, Shavkat Rahmatov, Aleksandr Burov
Nazoratchi: Hushvaqt Muxtorov
Komissar: Jamshid Imomov
"Neftchi" FK matbuot xizmati
