"Paxtakor" bosh murabbiyi "Buxoro" bilan uchrashuvdan keyin matbuot anjumanida o‘yin haqida fikrlarini bildirib o‘tdi.

- Birinchi navbatda "Lokomotiv" klubi rahbariyatiga stadion uchun rahmat aytaman. "Buxoro" rahbariyatiga ham rahmat aytmoqchiman. Ular hozirgi tig‘iz taqvim vaqtida Muborakda emas, Toshkentda o‘ynashga rozi bo‘lishgani uchun minnatdormiz.

Murabbiy almashganidan keyin "Buxoro"ning o‘yinida o‘zgarishlar bo‘ldi. Jamoa ancha tartibli o‘ynay boshlashdi. AGMK bilan ajoyib o‘ynab durang qayd etishdi, "Mash’al"ga qarshi bahsda kutilmaganda bitta gol o‘tkazib yubordi. "Buxoro" O‘zbekiston uchun kamdan-kam uchraydigan taktikada o‘ynaydi. 5-2-3, buni nemischa taktika deyish mumkin. Bunday taktikada himoyani yorib o‘tish qiyin bo‘ladi. Biz yigitlarga bunga qarshi qanday o‘ynash kerakligini tushuntirdik. Birinchi taymda ko‘plab vaziyatlar yaratdik, ikkita gol urdik. Ikkinchi taymda biroz sur’atni tushirdik, ammo vaziyatlardan foydalanib ikkita gol urdik. Shu orada raqib ham 2-3 marta qarshi hujumga o‘tdi.

Umuman olganda, qiyin bahs bo‘ldi. O‘yindan oldin tartib juda ham muhim ekanligini tushuntirdim. Tanaffusdan keyin 6ta o‘yin o‘tkazdik va eng qiyin taqvim bizniki edi. Yigitlar har uch kunda o‘ynashmoqda. Ular robot emas, ammo chiroyli o‘yin namoyish etishmoqda.