Xo‘jand shahrida yig‘in o‘tkazayotgan O‘zbekiston U19 terma jamoasi bugun tojikistonlik yoshlarga qarshi ikkinchi o‘rtoqlik uchrashuvini o‘tkazdi.

Bu galgi uchrashuvda mezbonlar yirik hisobda g‘alaba qozonishdi. Hisob 3:0ga yetgach, bahsning 87-daqiqasida Ulug‘bek Hoshimov termamizning bitta javob to‘piga mualliflik qildi. Qo‘shib berilgan daqiqalarda esa Tojikiston to‘rtinchi to‘pni kiritishga muvaffaq bo‘ldi.

3 sentyabr kuni bo‘lib o‘tgan dastlabki o‘yinda Temur Kapadze boshchiligidagi jamoamiz 1:0 hisobida g‘alaba qozongan edi.

O‘rtoqlik o‘yini
TOJIKISTON (U19) – O‘ZBEKISTON (U19) – 4:1
Gollar: Abdulmo‘min Zabirov, 33 – penalti (1:0). Salom Ashurmamadov, 40 (2:0). Rustam Soirov, 83 (3:0). Ulug‘bek Hoshimov, 87 (3:1). Sunnatullo Ismoilov, 90+1 (4:1).