Pro liga 5-turi doirasida Toshkentda «Oqtepa» klubi mehmoni bo‘lgan «Dinamo» jamoasi safarda jiddiy qarshilikka uchradi.
Uchrashuvning 29-daqiqasida bosh hakam Sherzod Qosimov darvozamiz tomon dastlab jarima zarbasi, keyin esa qarorini o‘zgartirib, qoidabuzarlik jarima maydoni ichiga bo‘lganligini aytib, 11 metrlik nuqtani ko‘rsatdi. Vladislav Fomin penaltini golga aylantirdi – 1:0.
Sergey Lushan 2-bo‘limda bir qator o‘zgarishlarga qo‘l urib katta ishtiyoq bilan jamoani oldinga boshlagandi. Ammo 48-daqiqadayoq «Dinamo» himoyachisi Shahzodbek Hamidov qo‘polligi uchun qizil kartochkaga loyiq topilib, maydondan chetlatildi.
Ikkinchi bo‘limni bir kishi kam o‘tkazgan vakillarimiz nihoyat 80-daqiqada hisobni tenglashtirishdi. Qator hujumlardan keyin Shohrux Abdurahmonovning zarbasi golga aylandi – 1:1.
O‘yin yakuniga qadar samarqandlik futbolchilar hujumkorlikni oshirgan bo‘lsa-larda, yakunda g‘alaba ikki tomonga ham nasib qilmadi – 1:1.
Ushbu o‘yindan keyin «Oqtepa» 8 ochko bilan 3-o‘rinda, «Dinamo» esa 7 ochko bilan 4-o‘ringa ko‘tarildi.
Pro liga. 5-tur. 7 sentyabr (dushanba)
«Oqtepa» - «Dinamo» - 1:1
Bosh hakam: Sherzod Qosimov
Gollar: Vladislav Fomin 29 penalti - Shohrux Abdurahmonov 80.
«Oqtepa»: 13.Ravshan Yagudin, 4. Sergey Proxorov, 6. Sunnatilla Mamadaliyev, 7.Opeks Samuel, 8.Sardor Jahonov, 17.Idris Bikmaykin, 19.Jamshid Yusupov, 20.Samandar Ochilov, 23. Vladislav Fomin, 24. Hamidxon Rustamxonov, 77.Zafar To‘rayev.
Zaxira: 16.Jamoliddin Hikmatov, 3.Javohir Baxtiyorov, 10.Islomjon Ismoilov, 11.Temur Hakimov, 14.Diyor Jaloliddinov, 15.Jafar Ismoilov, 22.YAhyoxon Ma’rufxo‘jayev, 25.Akbar Alisherov, 33.Tal’at Nigmatullin.
«Dinamo»: 1. Erkin Jabborov, 7.Suhrob Nurulloyev, 8.Eldor Boymatov, 9.Jahongir Ahmadov, 19.Obid Jo‘raboyev, 23.SHahzod Hamidov, 26.Komil Sharofutdinov, 27.Azamat Allaniyozov, 34. Shohruh Abdurahmonov, 44.Iskandar Siddiqjonov, 78.Oybek Nurmatov.
Zaxira: 30.Farhod Rahmatov, 5.Avaz Agaliyev, 6.Bobur Qosimov, 10.Amirjon Safarov, 14.Andrey Sidorov, 17.SHarafiddin Shabirov, 20.SHahboz Nuriddinov, 21.Muhammadqodir Hamraliyev, 24.Farhod Namozov.
Chetlatish: Shahzod Hamidov, (Dinamo, 48).
