UYEFA millatlar ligasi 2-turi doirasida Qozog‘iston terma jamoasi o‘z uyida Belarusni qabul qilib, imkoniyatni boy berdi.

Birinchi bo‘lim boshida hisob ochilmadi. Ikkinchi bo‘lim avval Bordachev mehmonlarni oldinga olib chiqqan bo‘lsa, oradan 9 daqiqa o‘tib Aymbetov muvozanatni tikladi.

Bahs tugashiga 4 daqiqa qolganida esa Moskvaning "Lokomotiv" klubi hujumchisi Vitaliy Lisakovich Belarusga g‘alaba keltirgan gol muallifiga aylandi.

Ushbu g‘alabadan keyin Belarus o‘z ochkolarini 3taga yetkazdi. Qozog‘iston hisobida ham shuncha ochko mavjud.

Millatlar ligasi, 2-tur
Qozog‘iston – Belarus 1:2 (0:0, 1:2)
Gollar: 0:1 – 53 Bordachev, 1:1 – 62 Aymbetov, 1:2 – 86 Lisakovich.
Qozog‘iston – Pokatilov, Suyumbayev, Marochkin, Maliy, Beysebekov, Vorogovskiy, Abiken, Islamxan (Persux, 82), Alip, Fedin (Kuat, 64), Aymbetov (Xijnichenko, 72).
Belarus – Gutor, Bordachev, Naumov, Martinovich, Zolotov, Nexaychik (Podstrelov, 80), Yablonskiy, Stasevich, Ebong (Xachaturyan, 85), Dragun, Skavish (Lisakovich, 56).
Ogohlantirishlar: Beysebekov (14), Suyumbayev (39), Ebong (73), Maliy (88).