Rossiyaning «Tambov» klubi futbolchilari bosh direktor Olga Konovalova nomiga oylik-maoshlarini to‘lab berishini talab qilib, rasmiy xat yuborishdi. Bu haqda «Sport-Ekspress» nashri xabar tarqatmoqda.

Manbaning yozishiga qaraganda, futbolchilari Tambov viloyati gubernatori Aleksandr Nikitinga ham klub rahbariyatiga ko‘rsatma berishini talab qilib, murojaat qilishgan.

Futbolchilar uch oydan beri maosh olishmayapti. Shuningdek, ularga 2019/20 yilgi mavsum yakuniga ko‘ra bonus pullari ham to‘lab berilmagan. Shu sababli, futbolchilar klub rahbariyatidan qarzdorliklarni tezroq bartaraf qilib berishlarini talab qilishmoqda. Aks holda, 12 sentyabr kuni «Ufa» klubiga qarshi bo‘ladigan uchrashuvda maydonga tushmasliklarini bildirishgan.