Россиянинг «Тамбов» клуби футболчилари бош директор Ольга Коновалова номига ойлик-маошларини тўлаб беришини талаб қилиб, расмий хат юборишди. Бу ҳақда «Спорт-Экспресс» нашри хабар тарқатмоқда.
Манбанинг ёзишига қараганда, футболчилари Тамбов вилояти губернатори Александр Никитинга ҳам клуб раҳбариятига кўрсатма беришини талаб қилиб, мурожаат қилишган.
Футболчилар уч ойдан бери маош олишмаяпти. Шунингдек, уларга 2019/20 йилги мавсум якунига кўра бонус пуллари ҳам тўлаб берилмаган. Шу сабабли, футболчилар клуб раҳбариятидан қарздорликларни тезроқ бартараф қилиб беришларини талаб қилишмоқда. Акс ҳолда, 12 сентябрь куни «Уфа» клубига қарши бўладиган учрашувда майдонга тушмасликларини билдиришган.
