2020 yilgi futbol mavsumi AGMK uchun azaliy raqib sanalgan Bekobodning "Metallurg" jamoasiga qarshi o‘yin orqali boshlangandi. Mavsumning qoq yarmi o‘tdi va jamoa ikkinchi davra starti arafasida.
Superliganing 14-turida turida AGMK Bekobodda «Metallurg» mehmoniga aylanadi.
Bu to‘qnashuv jamoalarning chempionat doirasidagi o‘zaro 26-bellashuvi bo‘ladi. Toshkent viloyati derbisida AGMK va "Metallurg" chempionat doirasida 25 marotaba to‘qnash kelgan. O‘tkazilgan uchrashuvlarda 11 g‘alaba AGMK hisobiga, 11 yutuq "Metallurg" nomiga yozilgan. Qolgan 3 bellashuvda esa g‘olib nomi aniqlanmagan. To‘plar nisbati 47-46, jamoamiz foydasiga.
Umumiy hisob-kitobga ko‘ra, AGMK va "Metallurg" barcha musobaqalarda jami 29 marotaba to‘qnash kelgan va unda AGMK 12 g‘alaba, "Metallurg" 13 g‘alaba va qolgan 4 bellashuvda durang natijasi qayd etilgan.
Superliganing 14-turi doirasidagi AGMKning ehtimoliy g‘alabasi jamoamizga ushbu qarama-qarshilikning chempionat tarixidagi ko‘rsatkichini yaxshilaydi va g‘alabalar soni bo‘yicha "Metallurg"dan o‘zib ketish imkoniyatini beradi. Shuningdek, ehtimoliy g‘alaba barcha musobaqalardagi umumiy ko‘rsatkich bo‘yicha hisob-kitobni tenglashtiradi.
Ayni paytda jamoamiz musobaqa jadvalida 29 ochko bilan 2-o‘rinda, «Metallurg» esa 22 ochko to‘plagan holda 6-o‘rinni egallab turibdi.
Uchrashuv 12 sentyabr kuni soat 19:00da Bekoboddagi o‘yingohda boshlanadi.
