Bugun “Paxtakor” futbol klubi Osiyo chempionlar ligasi guruh bosqichidagi ishtirokini davom ettiradi. Yuzaga kelgan epidemiologik vaziyat sabab OFK qarori bilan qolgan uchrashuvlar markazlashgan tizimda o‘tkaziladi.
“V” guruhidan o‘rin olgan “Sherlar” Qatarda ketma-ket 4 ta uchrashuv o‘tkazadi. Ulardan dastlabkisi bugun Saudiya Arabistonining “Al Hilol” jamoasiga qarshi kechadi. E’tiborlisi, yana 3 kundan so‘ng amaldagi O‘zbekiston chempionini ushbu klub bilan ikkinchi uchrashuv kutib turibdi. Ma’lumot uchun, “Al Hilol” bir necha kun avval Saudiya chempionligini qo‘lga kiritdi. «Paxtakor» o‘zaro o‘yinlar tarixida ushbu jamoani hali biror marta mag‘lub eta olmagan.
“Paxtakor”ning musobaqadagi taqvimi:
3-tur, 14 sentyabr
“Al Hilol” (Saudiya Arabistoni) – “Paxtakor”
4-tur, 17 sentyabr
“Paxtakor» – Al Hilol” (Saudiya Arabistoni)
5-tur, 20 sentyabr
“Shabab Al Ahli” (BAA) – “Paxtakor”
6-tur, 23 sentyabr
“Shahr Xodro” (Eron) – “Paxtakor”
Barcha uchrashuvlar Toshkent vaqti bilan 23:00 da boshlanadi. Ayni paytgacha «Paxtakor» va «Al Hilol» hisobida 6 tadan ochko mavjud bo‘lsa, BAA va Eron jamoalari hali biror ochko qo‘lga kiritmagan.
