Ushbu ruknimizdagi tarixiy suratlar bilan tanishtirishda davom etamiz.

1949 yil. «Sautgempton» ustozi shogirdlariga taktik ko‘rsatmalar bermoqda.

1999 yil. «Lasio» jamoasining asosiy yulduzlar. Kristian, Sinisha va Roberto! Ularning ikkitasi kelajakda kuchli murabbiy bo‘lib yetishadi. Viyeri esa, ayni damda Italiya sport kanalida eksper sifatida faoliyat olib bormoqda.

Germaniya futbolining  afsonasi Gerd Myuller va uning turmush o‘rtog‘i Ursula

«Lester»ning avvalgi stadioni – «Filbert Strit»ni ekolagik toza arena deyishga til bormaydi…

2001 yil. UYEFA kubogi final ostonasida «Liverpul» «Roma»ni sinovdan o‘tkazgan edi. Tarkibida Totti bo‘lishiga qaramay, «bo‘rilar» yosh Ouenning ikkita goli oldida ojiz qoladi.

1989 yil. «Siti» azaliy raqibi «Manchester Yunayted» darvozasiga 5-golni kiritdi. Hakamning final hushtagi yangraganida, tabloda 5:1 natijasi porlab turgan edi.

1925 yil. «Xaddersfild» darvozaboni Uilyam Merser sira baxtli insonga o‘xshamaydi…

1999 yil. UYEFA chempionlar ligasida g‘olib chiqqan «Manchester Yunayted» muxlislar qurshovida «oqib kelmoqda»…

1987 yil. Portugaliyaning «Portu» klubi Yevropa Chempionlar kubogini ortiqcha muammosiz qo‘lga kiritadi. Bu ishda murabbiy Artur Jorjening hizmatlari ulkan. Ushbu suratdagi eng qalin mo‘ylov egasi, keyinroq katta arenalarda ko‘rinmay qoldi, biroq uni «ajdarlar» muxlislari yaxshi eslab qolishgan.

1997 yil. Argentina yoshlar o‘rtasidagi Jahon Chempionatida zafar quchdi. Tarkibdagi deyarli 90 foiz futbolchi keyinchalik Yevropaning top klublari sharafini himoya qildi. Ushbu suratdagi (Diyego Plasente, Xuan Rikelme, Bernardo Romeo, Pablo Aymar va Esteban Kambyasso)  futbolchilar ham shular jumlasidan.

80 yillar oxiri. O‘zining robot raqsi bilan mashhurlikka erishuvchi Piter Krauch maktab o‘quvchisi. Aynan u APL tarixida bosh bilan eng ko‘p gol kiritgan futbolchi sifatida tarixga kirgan.

1994 yil. Roberto Bajdo va Franko Barezilar JCH kumush medallarini alam bilan qabul qilib olishmoqda.

«Oltin to‘p»ni qo‘lga kiritgan yagona darvozabon – afsonaviy Lev Yashin «Dinamo Moskva» jamoasining navbatdagi o‘yini oldidan biroz asabiylashmoqda.