Bundesliganing joriy mavsumdagi birinchi o‘yinida mehmonlarga qiyin bo‘ldi. "Bavariya" o‘z maydonida "Shalke" klubini qabul qilib, "mehmondorchilikni" bir chetga surib qo‘ydi.
Uchrashuvning 4-daqiqasidayoq hisob ochildi. Kimmixning pasidan so‘ng Gnabri hisobni ochgan bo‘lsa, 19-daqiqada Goretska o‘z nomini tabloga yozdirib qo‘ydi. Birinchi bo‘limdagi so‘nggi golni kiritish esa Levandovskiga nasib etdi.
Ko‘pchilik "Bavariya" ikkinchi bo‘limni biroz yengilroq o‘tkazadi deb o‘ylagandi. Ammo, lekin, biroq... Ular raqiblarini ayamadi va ikkinchi taymda yana 5 ta gol kiritishdi - yakuniy hisob 8:0.
"Bavariya" - "Shalke" - 8:0 (3:0)
Gollar: Gnabri, 4 - 1:0, Goretska, 19 - 2:0, Levandovski, 31 (penalti) - 3:0, Gnabri, 47 - 4:0, Gnabri, 56 - 5:0, Myuller, 69 - 6:0, Sane, 71 - 7:0, Musiala, 81 - 8:0.
"Bavariya": Noyer, Pavar, Zyule, Lyuka Ernandes, Boateng (Richards, 73), Gnabri (Musiala, 73), Kimmix, Myuller (Zirkzee, 83), Goretska (Tolisso, 51), Sane (Kyuizans, 73), Levandovski.
"Shalke": Fermann, Kabak, Ochipka, Stambuli, Xarit (Bekker, 79), Rudi, Bentaleb, Serdar (Shopf, 30), Matondo (Raman, 66), Pasiyensiya (Skribski, 79), Ut.
