Бундеслиганинг жорий мавсумдаги биринчи ўйинида меҳмонларга қийин бўлди. "Бавария" ўз майдонида "Шальке" клубини қабул қилиб, "меҳмондорчиликни" бир четга суриб қўйди.
Учрашувнинг 4-дақиқасидаёқ ҳисоб очилди. Киммихнинг пасидан сўнг Гнабри ҳисобни очган бўлса, 19-дақиқада Горетцка ўз номини таблога ёздириб қўйди. Биринчи бўлимдаги сўнгги голни киритиш эса Левандовскига насиб этди.
Кўпчилик "Бавария" иккинчи бўлимни бироз енгилроқ ўтказади деб ўйлаганди. Аммо, лекин, бироқ... Улар рақибларини аямади ва иккинчи таймда яна 5 та гол киритишди - якуний ҳисоб 8:0.
"Бавария" - "Шальке" - 8:0 (3:0)
Голлар: Гнабри, 4 - 1:0, Горетцка, 19 - 2:0, Левандовски, 31 (пенальти) - 3:0, Гнабри, 47 - 4:0, Гнабри, 56 - 5:0, Мюллер, 69 - 6:0, Сане, 71 - 7:0, Мусиала, 81 - 8:0.
"Бавария": Нойер, Павар, Зюле, Люка Эрнандес, Боатенг (Ричардс, 73), Гнабри (Мусиала, 73), Киммих, Мюллер (Зиркзее, 83), Горетцка (Толиссо, 51), Сане (Кюизанс, 73), Левандовски.
"Шальке": Фэрманн, Кабак, Очипка, Стамбули, Харит (Беккер, 79), Руди, Бенталеб, Сердар (Шопф, 30), Матондо (Раман, 66), Пасиенсия (Скрибски, 79), Ут.
