Sulsher shogirdlari o‘z uylarida "Kristal Pelas"ni qabul qilib, imkoniyatni boy berib qo‘yishdi.

Bahsning 7-daqiqasida Taunsend mehmonlarni oldinga olib chiqdi. Ikkinchi bo‘lim o‘rtalarida esa "MYU" darvozasi tomon penalti belgilandi. David de Xea penaltidan yo‘llangan zarbani qaytardi. Ammo u zarbadan oldin ikki oyog‘i bilan darvoza chizig‘ini tark etgani uchun hakam VAR yordamida penaltini qaytadan amalga oshirish kerakligini ko‘rsatdi. Uilfrid Zaa ikkinchi urinishda darvozani zabt etdi.

Oradan ko‘p o‘tmasdan Donni van de Bek "Kristal Pelas" darvozasini ishg‘ol qilib, o‘yinga intrigani qaytardi. Ammo bahs tugashiga 5 daqiqa qolganida yana o‘sha Zaa mezbonlar darvozasiga yana bir marta yo‘l topib, o‘yin taqdirini hal qilib qo‘ydi.

Shu tariqa, "MYU" ilk uchrashuvda yutqazgan bo‘lsa, "KP" ikki o‘yindan keyin 6 ochkoga ega bo‘ldi.

Angliya premyer-ligasi, 2-tur
Manchester Yunayted – Kristal Pelas 1:3 (0:1, 1:2)
Gollar: 0:1 – 7 Taunsend, 0:2 – 74, penalti Zaa, 1:2 – 80 van de Bek, 1:3 – 85 Zaa.
Manchester Yunayted – De Xea, Shou, Fosu-Mensa (Igalo, 81), Lindelef, Maguayr, Brunu Fernandesh, Maktomini, Pogba (van de Bek, 67), Jeyms (Grinvud, 46), Marsyal, Reshford.
Kristal Pelas – Guaita, Sako, Uord, Mitchell, Shlupp (Eze, 75), Makartur, Kuyate, Taunsend, Makkarti (Milivoyevich, 88), Zaa, Ayyu (Batshuayi, 81).
Ogohlantirishlar: Uord (55), Fosu-Mensa (58), Maguayr (64).