Bugun “Paxtakor” Osiyo chempionlar ligasi guruh bosqichining 5-turidan o‘rin olgan bahsda "Shabab Al Ahli"ga qarshi maydonga tushadi. 

• “Sherlar” bu raqibga qarshi 7 uchrashuvda maydonga tushgan. Ulardan ikkitasi “Shabab” va to‘rttasi “Ahli”ga qarshi o‘tkazilgan. Mavsum boshida ayni paytdagi jamoaga qarshi o‘yin bo‘lib o‘tgan. Hozirgi jamoa ushbu klublar, shuningdek, “Dubay” jamoasi birlashuvidan tashkil topgan. “Shabab” bilan 1:0 va 1:2 hisoblari qayd etilgan. “Ahli” esa 3:2, 1:0, 2:1 va 2:0 hisoblarida dog‘da qoldirilgan. "Shabab Al Ahli" esa 2:1 hisobida mag‘lub etilgandi. Demak, umumiy hisobda 7 bahsdan 6tasida jamoamiz ustun kelgan. Raqib darvozasiga 12 to‘p kiritilib, 6 gol o‘tkazib yuborilgan.

• O‘yinni jamoalardan diskvalifikasiya sababli o‘tkazib yuboradigan futbolchilar mavjud. "Paxtakor"dan Anzur Ismoilov, dubayliklardan Muhammad Marzuq va Volid Jaber sariq kartochkalar tufayli maydonga tushmaydi.

• “V” guruhi ayni paytda "Paxtakor" 7 ochko bilan 2 o‘rinda bormoqda, "Shabab Al Ahli" hisobida esa 6 ochko bor va  dubayliklar 3-o‘rinni band etib turishibdi. Bugungi o‘yin har ikki jamoa uchun juda muhim sanaladi.

OCHL, 5-tur

"Shabab Al Ahli" – "Paxtakor"

Bosh hakam: Muhammad Taqi (Singapur)

Qanot hakamlari: Ronni Koh Min Kiyat, Abdul Hanan bin Abdul Hasim (ikkisi Singapurdan)

Zaxira hakami: Mohid Amirul Izvan bin Yakub (Malayziya)

Nazoratchi: Ismail Adnan Ismail Alhafi (Iordaniya)

Ma’lumot uchun, "Shabab Al Ahli" va "Paxtakor" jamoalari o‘rtasidagi o‘yin Toshkent vaqti bilan soat 23:00da boshlanadi.