Бугун “Пахтакор” Осиё чемпионлар лигаси гуруҳ босқичининг 5-туридан ўрин олган баҳсда "Шабаб Ал Аҳли"га қарши майдонга тушади.
- “Шерлар” бу рақибга қарши 7 учрашувда майдонга тушган. Улардан иккитаси “Шабаб” ва тўрттаси “Аҳли”га қарши ўтказилган. Мавсум бошида айни пайтдаги жамоага қарши ўйин бўлиб ўтган. Ҳозирги жамоа ушбу клублар, шунингдек, “Дубай” жамоаси бирлашувидан ташкил топган. “Шабаб” билан 1:0 ва 1:2 ҳисоблари қайд этилган. “Аҳли” эса 3:2, 1:0, 2:1 ва 2:0 ҳисобларида доғда қолдирилган. "Шабаб Ал Аҳли" эса 2:1 ҳисобида мағлуб этилганди. Демак, умумий ҳисобда 7 баҳсдан 6тасида жамоамиз устун келган. Рақиб дарвозасига 12 тўп киритилиб, 6 гол ўтказиб юборилган.
- Ўйинни жамоалардан дисквалификация сабабли ўтказиб юборадиган футболчилар мавжуд. "Пахтакор"дан Анзур Исмоилов, дубайликлардан Муҳаммад Марзуқ ва Волид Жабер сариқ карточкалар туфайли майдонга тушмайди.
- “В” гуруҳи айни пайтда "Пахтакор" 7 очко билан 2 ўринда бормоқда, "Шабаб Ал Аҳли" ҳисобида эса 6 очко бор ва дубайликлар 3-ўринни банд этиб туришибди. Бугунги ўйин ҳар икки жамоа учун жуда муҳим саналади.
ОЧЛ, 5-тур
"Шабаб Ал Аҳли" – "Пахтакор"
Бош ҳакам: Муҳаммад Тақи (Сингапур)
Қанот ҳакамлари: Ронни Коҳ Мин Кият, Абдул Ҳанан бин Абдул Ҳасим (иккиси Сингапурдан)
Захира ҳаками: Моҳид Амирул Изван бин Якуб (Малайзия)
Назоратчи: Исмаил Аднан Исмаил Алҳафи (Иордания)
Маълумот учун, "Шабаб Ал Аҳли" ва "Пахтакор" жамоалари ўртасидаги ўйин Тошкент вақти билан соат 23:00да бошланади.
