"Paxtakor" hujumchisi Dragan Cheran "Shabab Al Ahli"ga qarshi uchrashuvning eng yaxshi futbolchisi deb topildi. U o‘yindan keyin o‘z fikrlari bilan o‘rtoqlashdi.

"Biz o‘yinni to‘liq nazorat qildik. Bugun faqat biz o‘ynadik, bu bizning o‘yin bo‘ldi. Juda ko‘plab imkoniyatlarni yuzaga keltirdik, ammo ulardan foydalanishda xatolarga yo‘l qo‘ydik. Bugun biz ikki ochkoni boy berdik deb o‘ylayman.

Biz raqibni o‘rganganimiz singari ular ham bizni o‘rganishadi. Kuchli taraflarimizni yopishga urinishadi. Ular qanotdan o‘tishimizni yopmoqchi bo‘lishdi, biz markazdan ham hujumlar uyushtirdik. Vaziyatlardan foydalanmadik va raqib ham himoyada yaxshi o‘ynashga urindi. Bu gol ura olmaganimiz sababi", — dedi Cheran.