Ushbu ruknimizdagi eng so‘nggi yangiliklar bilan tanishtirishda davom etamiz.

«Bavariya» «Barselonaga» qarshi!

Myunhenning «Bavariya» jamoasi “Ayaks” himoyachisi Sergjino Dest borasida rasmiy taklif bilan chiqdi.

Bild nashrining ma’lum qilishicha, Myunhen klubi yaqin besh kun ichida Destni rasman tanishtiradi. Manbaning ma’lum qilishicha ushbu transfer uchun «Bavariya» 20 million yevrodan voz kechgan.

Eslatib o‘tamiz, avvalroq «Barselona» Serjino uchun asosiy da’vogar bo‘lib turgan edi.

Genduzi qoladimi?

Londonning “Arsenal” jamoasi yarim himoyachisi Matteo Genduzi faoliyatini boshqa klubda davom ettirmoqchi.

“Lʼequipe” nashrining ma’lum qilishicha, futbolchi zaxira o‘rindig‘ida o‘tirishni istamayapti. Shu sababli, Matteo klub rahbarlaridan uni qo‘yib yuborishlarini rasman iltimos qilgan.

Manbaning ma’lum qilishicha, 21 yoshli futbolchining agenti ayni damda mijoziga yangi jamoa izlamoqda.

«Yuve» ishga kirishmoqda

Turinning «Yuventus» jamoasi «Chelsi» qanot himoyachisi Emersonni qo‘lga kiritish niyatidan qaytgani yo‘q.

LGDS nashrining ma’lum qilishicha, jamoa mavsum oldi mashg‘ulotlarni jarohat sababli o‘tkazib yuborgan Aleks Sandroning o‘rnini aynan Emerson bilan to‘ldirmoqchi.

Ma’lumotlarga qaraganda, Emerson bilan Milan shahrining boshqa klublari ham qiziqib qolgan.

Xedira Parijga yo‘l oladimi?

Turinning «Yuventus» jamoasi yarim himoyachisi Sami Hedira PSJ e’tibor markaziga tushib qoldi.

Italiya nashrlarining ma’lum qilishicha, Tomas Tuxel Hedira singari ijrochini tekinga qo‘lga kiritishga qarshi emas.

Ma’lumotlarga qaraganda, PSJ germaniyalik futbolchining klub bilan shartnomani bekor qilishini kutmoqda.