«Paxtakor» Osiyo chempionlar Ligasi 6-turida hal qiluvchi bahsda Eronning "Shahr Xodro" jamoasi bilan bellashadi.

Ushbu o‘yindagi g‘alaba jamoamizni nimchorak finalga olib chiqadi. Shu sababli mazkur bellashuv guruh bosqichidagi eng muhim uchrashuvga aylanadi. "Paxtakor" safida Sardor Sobirxo‘jayev sariq kartochkalar bilan bog‘liq diskvalifikasiya sababli o‘ynay olmaydi.

"Shahr Xodro" futbol klubi unchalik katta tarixga emas. Bu jamoa 2013 yil Mashhad shahrida "Padideh Mashhad" nomi bilan tashkil qilingan. Keyinchalik nomi o‘ziga egalik qiluvchi kompaniyalar guruhi nomiga mos qilib o‘zgartirilgan. 2013 yilgacha jamoa "Mis Sarchashma" nomi bilan atalib, boshqa shahar sharafini himoya qilgan. So‘ng klubda o‘zgarishlar ro‘y bergan va yangi jamoaga Mashhad shahrida asos solingan.

Jamoa bosh murabbiyi yaqinda faoliyatini tugatgan darvozabon Mahdi Rahmatiy sanaladi. U Toshkentda "Paxtakor"ga qarshi o‘yinda darvozani qo‘riqlagandi. Unga tajribali mutaxassis Muhammad Navaziy yordamlashib kelmoqda.

"Shahr Xodro" va "Paxtakor" jamoalari o‘rtasidagi o‘yin 23 sentyabr, chorshanba kuni Toshkent vaqti bilan soat 23:00da Dohadagi "Al-Janub" stadionida boshlanadi.

"Shahr Xodro"ning Chempionlar Ligasi uchun futbolchilar ro‘yxati bilan tanishing.

Darvozabonlar
1. Mahdi Rahmatiy
22. Muhammadjavod Kia
33. Matin Safaian

Himoyachilar
2. Muhammad Aqajanpur
3. Ali Ne’matiy
4. Hussayn Moradmand
5. Farshad Farajiy
17. Hasan Ja’fariy
27. Muhammadali Faramarziy
66. Muhammad Muhammadzoda

Yarim himoyachilar
8. Akbar Sodiqiy
9. Amin Qaseminajod
11. Hussayn Mehribon
16. Alirizo Asadabadiy
18. Ali Taheran
78. Amirhassan Ja’fariy
80. Ruholloh Sayfuolloh
88. Ali Nabizoda

Hujumchilar
7. Muhammad Qozi Najafabadiy
14. Umid Mansuriy
20. Muhammadrizo Xalatbariy
21. Said Sodiqiy
76. Murtazo Xurosoniy