Bugun Osiyo Chempionlar ligasi «B» guruhida so‘nggi tur o‘yinlari o‘tkaziladi.

«V» guruhi peshqadami Saudiya Arabistonining «Al Hilol» klubidagi koronavirus bo‘yicha vaziyat og‘irligi tufayli klub bugun o‘tkazilishi lozim bo‘lgan «Shabob Al Ahli»ga qarshi 6-tur uchrashuvida maydonga tushmoqchi emas edi.  Ammo OFK Ar-Riyod klubining bahsni boshqa sanaga ko‘chirish haqidagi so‘rovini rad etgach, saudiyaliklar oldida ikkita yo‘l qoldi: BAA klubiga qarshi bor tarkib bilan maydonga tushish yoki OCHLdan chetlashtirish.

Klubning tvitterdagi  rasmiy sahifasining xabariga ko‘ra,  bugungi bahsda «Al Hilol» safida bir yo‘la 3 nafar darvozabon maydonga tushadi – Al Muayf darvozada tursa, Jubayya va Bishi maydonda harakat qiladi. Jamoa bu bahsda 90 daqiqa davomida zaxira futbolchilarisiz to‘p surishiga to‘g‘ri keladi.

Eslatib o‘tamiz, «Al Hilol» - «Shabob Al Ahli» o‘yini soat 23:00da boshlanadi.