"Bavariya" yarim himoyachisi Tomas Myuller UYEFA Superkubogida "Sevilya"ni mag‘lubiyatga uchratganidan so‘ng o‘z hissiyotlari bilan o‘rtoqlashdi. Uchrashuv Budapeshtda bo‘lib o‘tdi va myunxenliklar foydasiga 2:1 hisobi bilan yakunlandi, g‘alaba golini "Bavariya" qo‘shimcha vaqtda kiritdi — Xavi Martines gol urdi. Myuller maydonda 120 daqiqa harakat qildi.
«Kutilganidek, «Sevilya» qiyin raqib edi. Ularda ko‘p imkoniyat yo‘q edi, ammo penaltidan urilgan gol tufayli hisobni ochishdi va shundan so‘ng biz o‘yinni kuchaytirishga majbur bo‘ldik. Biz optimal o‘ynamadik va ayniqsa uchrashuv boshida sust harakat qildik. Ikkinchi bo‘limda esa haqiqiy "Bavariya" maydonga tushdi. Tortdagi shirinlik, albatta, bizning Mister Superkubogimiz — Xavi Martinesning goli bo‘ldi", — deya Myullerning so‘zlarini keltiradi "Bavariya" matbuot xizmati.
